مرّات كتير ما بيجي عبالي قوم من التخت... كلنا هيك. بس الفرق إنّو أنا بتصير معي كتير (كتير كتير!) وكتير صعبة قول لحالي "يلّلا نهار وبيمرق" لأنّو بعرف إنّو النهار لي بعدو بعد أصعب. وما بقدر إتخايل أي شي منيح وحلو معقول يصير. بركّز بس ع الأشيا البشعة، القاسية، الصعبة.
وأضرب شي بالموضوع إنّو كتير صعب ناخد فرصة من الشغل... وإذا قدرنا ناخد فرصة، بيحسبوها فرصة! ما بيعترفوا إنّو الإكتئاب مرض... أصلاً ليش بدّي قلّهم إنّي مكتئبة؟ إذا عرفوا بعلق بلسانن!
